فليسكو - حالة نفسية

... في مطار الملك خالد بالرياض .. انطلق أبو فليسكو وأمه لإستقبال إبنهم الحبيب فليسكو اللذي كان في رحلة للندن.. ووقفوا عند بوابة دخول المسافرين .. وكانت نظراتهم متعلقه في وجوه المسافرين شوقاً لرؤية وجه ابنهم وكبدة فلذتهم (( أقول ماودك تخلص علينا من هالمقدمه يانجيب محفوظ .. قال ايش قال كبدة فلذتهم ..!! )) ... وأخيراً ظهر فليسكو .. نعم لقد ظهر بعد أن اخترق الصفوف .. (( صلاح الدين الأيوبي ذا موب فليسكو ..!! )) .... ولكن ياللهول ..!! لماذا فليسكو يجلس على كرسي متحرك .. ويدينه ورجلينه مقطوعه وخلفه صديقه الكندره يدفع الكرسي وبجانبهم فتاة ... ما الذي حدث له في لندن وجعله مقعداً .. ومن هذه الفتاة اللتي معهم .. ولماذا جاء ابنهم فليسكو في طائرة إخلاء طبي .. وقبل ذلك كله .. لماذا ذهب إلى لندن من الأساس ....؟؟؟؟؟؟



ولكي نجيب على هذه الأسئله دعونا نرجع بالزمن إلى الوراء .. وبالتحديد قبل تسعة أيام في يوم الأثنين ميلادي الموافق يوم الخميس هجري .. (( يلععععععن أم التاريخ اللي تعرفه ياشيخ ..!! )) ... كان فليسكو جالس في الملحق الخارجي لبيتهم يتابع التلفزيون .. وفجأه سمع صوت جرس الباب يدق .. وبعد لحظات دخل عليه أبوه وقال له : يافليسكو .. صديقك الكندره عند الباب .. تبيني أدخله ..؟؟؟
رد عليه فليسكو : لااااااااا فكني منه هالغبي وقل له إني ماني فيه ...!!!
... طلع أبو فليسكو عشان يصرف الكندره .. وبعد لحظات رجع لفليسكو ومعاه الكندره ... !!!! طالع فليسكو في ابوه وقال له : أنا وش قلت لك ..!!!!
قال ابو فليسكو : والله قلت له انك مانتب فيه بس هو صمم إنه يدخل يحتريك إلين ترجع ..!!!!
وانتقلت نظرات فليسكو إلى الكندره وقال له : ياخوي نشبه إنت .. هاللحين يابن الكلب ماقلنالك إني ماني فيه ..؟؟؟
رد الكندره : عادي يافليسكو خذ راحتك وانا باحتريك هنا إلين ترجع .. وبعدين أنا ضيفك والمثل يقول إكرام الضيف دفنه ...!!!
عض فليسكو يده من القهر وقال : ماودك تآكل طفاية سجاير وتنثبر في آخر المجلس ومابي أسمع صوتك .. قال ايش قال إكرام الضيف دفنه ....!!!!

كان فليسكو عصبي لدرجه كبيره .. أما الكندره فكان غبي لدرجه ماحد يتخيلها وكان قزم لذلك سموه الكندره أي كنادر وفي روايه الجزمه ...!!



وفي الملحق كان فليسكو مشغل قناة فيها أغنية الأماكن للفنان الكبير رابح علامه .. (( والله من زين الثقافه الفنيه عندك ..!! )) .. وكان فليسكو داخل جو مع الأغنيه .. وفجأه قطع الكندره الجو على فليسكو وقال له : إلا على طاري الأماكن يافليسكو . تصدق إن مافيه جريمه كامله ...!!!!
طالع فليسكو في الكندره بحقد وقال له : هاللحين يالملعون وش دخل الأغنيه في المثل اللي قلته ...!!!
قال الكندره : يافليسكو لا تدقق أنا ودي أسولف معاك بس .. المهم سلمك الله يافليسكو إني أمس كنت راكب سيارتي وأتمشى .. وفجأه ولعت لمبة البنزين وانا كنت طفران .. فخطرت في بالي فكره إني أجرب نفسي في الإجرام واعبي سيارتي بنزين وانحاش ....!!!
وقام فليسكو وصفق الكندره على راسه وقال له : هاللحين ياليهودي تسمي اللي سويته إجرام ..!!!!
قال الكندره بعد أن لبس شماغه اللي طار بسبب صفقة فليسكو : طيب اصبر خلني أكمل لك المغامره .. المهم سلمك الله إني عبيت بنزين بخمسه ريال وانحشت بدون ما أدفع الحساب .. وعلى طول رحت وقفت السياره بعيد عن بيتنا ومسحت بصماتي من الطاره _ الدركسون _ ودخلت بيتنا بشويش عشان اتأكد إن مافيه أحد يراقبني ..........!!!
وفي هاللحظات كان وجه فليسكو أحمر من العصبيه والقهر وقام يرفس الكندره ويقول له : الله يلعنك ويلعن مخك ويلعن الإجرام اللي تعرفه .. اللي يسمعك هاللحين يقول إنك قاتل صاحب محطة البنزين .. بعدين يالحمار مادامك ناوي تنحاش ليش ماعبيت باربعين ولا بخمسين ..!!!
قال الكندره وهو يلبس شماغه اللي طار بسبب الترفيس اللي جاه : يافليسكو أنا ماكان ودي أكون طماع في أول جريمه لي .. المهم سلمك الله إنه في ذاك اليوم ماصار شي .. وفي اليوم الثاني ركبت سيارتي وتوجهت للمحطه عشان أشوف فيه أحد اكتشف الجريمه ولا لاااا ... ولاااحظت إن المحطه تشتغل عادي والناس رايحين جايين عادي والهنود اللي في المحطه نفسهم ماتغيروا عادي .........!!!
قال فليسكو بعصبيه : وأنا بالعن والديك عادي ......!!!
قال الكندره : لا تقاطعني يافليسكو واسمع المغامره للآخر ... المهم إني وقفت عند محطة البنزين عشان أشوف بيعرفوني ولا لاااا ... وما أمداني أوقف إلا والهنود مجتمعين علي ونزلوني من السياره وأنواع الطق فيني .. وبعدها اتصلوا على الشرطه .. وجت الشرطه ومسكتني وسجنوني ثلاثه أيام ......!!!!
قال فليسكو وهو يضحك : أحسسسسسسسن .. بس ماقلت لي وش لون عرفوك الهنود ...؟؟؟
رد الكندره وهو يطالع السقف ويفكر : يقولون إن الهنود سجلوا رقم لوحة سيارتي ... بس اللي قاهرني وش لون شافوا رقم اللوحه مع إني كنت متلطم ...!!!!!!!!!!!!!......
وفي هاللحظه أغمى على فليسكو من القهر وقام يرافس في مكانه .... ونادى الكندره أبو فليسكو وأمه وركبوا فليسكو في السياره وتوجهوا للمستشفى ...




وفي المستشفى .. كان فليسكو ممد على السرير الأصفر بعد مارجع له وعيه ... وطبعاً السرير كان أبيض قبل ماينام عليه فليسكو .. ولكن لأن فليسكو فقد التحكم في عضلات المثانه تحول لون السرير من الأبيض الى الأصفر بسبب عامل الرطوبه ..... المهم إنه بعد مافحص الدكتور فليسكو التفت على ابوه وأمه وصديقه الكندره وقال لهم .. للأسف ولدكم فيه حاله نفسيه ....
وفي هاللحظه قامت أم فليسكو تبكي وتقول : يعني خلاص ماعاد بيشوفني ولدي .. وقربت من وجه فليسكو وقامت تأشر بيدها قدام عيون فليسكو وتقول : فليسكو أنا أمك ,, تشوفني ....!!!!!!
وكان الدكتور يناظر فيها ومنهبل ... وفجأه قام أبو فليسكو ومسك الأم وجلسها وهو يقول لها : هبلا إنتي ... فشلتينا قدام الناس .. الدكتور يقول لك فيه حاله نفسيه ماقال لك إنه صار أعمى ........ والتفت ابو فليسكو على الدكتور وقال له : طيب يادكتور يعني فيه أمل يرجع يمشي ولدنا مثل أول .....!!!!!!!!!!!
قام الدكتور يناظر فيهم وهو مايدري وش يقول .... وفي هذه الأثناء كان الكندره منزل راسه بعد ماسمع كلام أبو فليسكو وأمه .... وقال الكندره : يادكتور لا تدقق في كلامهم لأنهم متأثرين من الصدمه ......
قال الدكتور : لا ماعليك أنا مقدر حالتهم ......
رد عليه الكندره : طيب يادكتور متى تتوقع يرجع له السمع ...!!!!!!!
وبعد سؤال الكندره قام الدكتور يصيح ويلعن فيهم وطردهم من العياده ..... وقبل مايطلعون سأل أبو فليسكو الدكتور : طيب يادكتور كيف نعالجه ...؟؟؟
قال الدكتور : ماله إلا علاج واحد .. وهو انه يسافر برا المملكه يغير جو ويريح أعصابه ........
قال ابو فليسكو : يعني يادكتور نوديه الدمام مثلاً .....!!!!!
قال الدكتور وهو بينفجر : هاللحين يابن الكلب الدمام برا المملكه .. ياااااخي ودوووه لندن وخلوه يفلها هناك ويطلع من حالته النفسيه ...!!!





بعد مارجع فليسكو وابوه وامه والكندره للبيت .... قرروا إنهم يرسلون فليسكو للندن لمدة اسبوع ... وجاب الكندره رقم الخطوط السعوديه عشان يتصل عليهم ويحجز .... دق الكندره الرقم ....
الكندره : السلام عليكم ..
الموظف : وعليكم السلام .. آمر ..
الكندره : الأخ الخطوط السعوديه ...!!!!!
الموظف : الحمد لله والشكر .. طوط طوط طوط طوط ...
التفت الكندره على فليسكو وابوه وقال : شكله زعل وقفل في وجهي ...!!! رد عليه ابو فليسكو : والله من دلاختك .. هاللحين يالثور متصل على الخطوط السعوديه وتقول لهم الأخ الخطوط السعوديه .. والله ماعندك اسلوب أبد .. وخر بس هناك وخلني أكلمهم أنا .............. أخذ ابو فليسكو التلفون ودق رقم الخطوط السعوديه ....
ابو فليسكو : الو السلام عليكم ..
الموظف : هلا وعليكم السلام .. آمر ..
ابو فليسكو : بالله يالغالي بغيت أكلم الأستاذ الخطوط السعوديه ..!!!!
الموظف : طوط طوط طوط طوط ...
التفت ابو فليسكو على الكندره وقال : ماعليش ظلمتك لأن الرقم طلع غلط .... طبعاً فليسكو كان يراقب الموقف وعروقه بتتفجر من القهر على الدلاخه اللي يشوفها قدامه ...




في اليوم الثاني كان فليسكو حجز لنفسه تذكره للندن .. وكانت رحلته في نفس اليوم في الليل ... وجهز أغراضه وشناطه استعداداً للسفر ... وقبل الرحله بساعات طق جرس الباب ... ولما فتح فليسكو الباب لقى الكندره عند الباب ومعاه شنطه وتذكرة سفر .... قال فليسكو للكندره باستغراب : خير يابو الشباب وش عندك ...؟؟؟؟
قال الكندره : باروح معاك ...!!!!!
رد فليسكو : والله لو اني رايح لصالة بلياردو عشان تروح معاي .. تراني باروح لندن ....!!!!
قال الكندره : وانت تحسبني غبي يافليسكو .. أنا عارف انك بتروح لندن وعارف بعد إن عاصمة لندن هولندا .. تحسبني ما أفهم أنت ..!!!!!!!!
طالع فليسكو في الكندره وهو وده يمحطه كف وقال : يعني يقالك إنك بتقنعني هاللحين انت وخشتك .. اقول اقلب وجهك قبل ما ألعن والديك ..!!
وفي هاللحظه تدخل ابو فليسكو واللي كان واقف ورى الباب وقال : يافليسكو مانتب رايح للندن إلا والكندره معاك لأنك مريض ماتقدر تتكلم انجليزي ..!!!!
قال فليسكو : ياخوي بتجنني أنت ويااااه .. وش دخل مريض في الانجليزي .. وبعدين أنا باسافر عشان أنحاش من هالغثيث وانت تبيه يسافر معاي .....!!!
وتدخل الكندره وقال : يافليسكو اسمع كلام ابوك ولا تزعله ولا تنسى إن الجنه تحت أقدام الأمهات ...!!!!
قال فليسكو : يااااااااااااليل .. ياخوي خبل أنت .. وش دخل أبوي في الأمهات هاللحين ...؟؟؟؟
رد الكندره : يافليسكو لا تدقق .. ولا تحاول تتهرب من الموضوع ...!!!!!
وتدخل ابو فليسكو وقال : ماعليه يافليسكو .. أنا الغلطان .. لو اني ذاك اليوم تعوذت من الشيطان ونزلتك وانا اتفرج على سميره توفيق مثل باقي اخوانك اللي وصل عددهم ثلاثميه وخمسه وستين واحد ...!!!!!!!!
طالع فليسكو في ابوه وقال : وانت فاضي تحسّب أنت ووجهك ...!!!!!
وتدخل الكندره وقال : يافليسكو لا تصرف الموضوع .. يآخي اعتبرني مثل أبوك الصغير وخلني أروح معاك ..!!!!!!
قال فليسكو : سكران انت .. وش اللي أبوك الصغير ..؟؟؟
قال الكندره : مدري بس باروح معاك يعني باروح لأني أمنية حياتي إني أروح لندن واشوف الأهرامات ..!!!
قال فليسكو : بالله .. أجل الأهرامات في لندن هاااااااااه ..؟؟
رد الكندره باستغراب : والله ماني متأكد .. بس هي يا في لندن أو في حراج بن قاسم ماني متأكد بصراحه ..!!!
قال فليسكو بعد أن نفذ صبره : خلااااااااااااااص بتروح معاي بس انطم وفكني من غثاثتك يالثور .....!!!



في الطياره .... ركب فليسكو وجنبه الكندره .... وبعد ما أقلعت الطياره كان فليسكو طول الوقت ساكت ... التفت الكندره على فليسكو وقال له : وش فيك ساكت ياخوي ..؟؟؟
قال فليسكو : ياخوي مابي أسولف معاك خلك ساكت أحسن .......
رد عليه الكندره : يافليسكو لا تيأس من الحياة .. تصدق أنا يافليسكو كنت مضطهد بين الناس وماحد يحبني .. لكني صمدت واجتهدت ودرست إلين كونت نفسي .. وهذا أنا هاللحين طيّار في كلية الطب ولله الحمد ...!!!!
التفت فليسكو على الكندره وقال : مجنون أنت ولا تستهبل .. وش اللي طيار في كلية الطب .. بعدين ياخوي أنا اللي أعرفه إنك ماكملت حتى الابتدائي ..!!!!
قال الكندره وهو منحرج : هههه هههه صدتني .. عاد انت لا تدقق ياخوي أنا بس حبيت أعطيك أمل في الحياة ........
قال فليسكو : طيب كل تراب وخلك ساكت ...



وفي هذه الأثناء دخلت المضيفه ومعها طاوله في مشروبات وجرايد ..... قال الكندره لفليسكو : فليسكو فليسكو جت البياعه ....!!!!
قال فليسكو : ياخوي ماودك تآكل تراب .. وش اللي بياعه في الطياره .. هذي اسمها مضيفه يالحمار ....!!!
.... قربت المضيفه من فليسكو والكندره وقال لهم : شو بدكووون ...؟؟ أخذ فليسكو عصير أما الكندره فكان مطيّر عيونه في المضيفه .... طالعت فيه المضيفه وقالت له : شو بيك ..؟؟؟
قال الكندره : شوبيك لبيك ..!!!!
ضحكت المضيفه على الكندره وتوجهت لباقي المسافرين ....... التفت الكندره على فليسكو وقال : تصدق يافليسكو أحس إن صاحبة الطياره حبتني ...!!!!
رد عليه فليسكو : وش اللي صاحبة الطياره يالثور .. اسمها مضيفه .. بعدين وش دراك انها حبتك يالساحر ..؟؟؟
قال الكندره : ياحبك للتدقيق يافليسكو .. خلاااااص قلت لك أحس وش فيك منقهر انت ...!!!!!
قال فليسكو : طيب طيب تحبك بس خلك ساكت ..!!


وبعد فتره رجعت المضيفه تدور على المسافرين ... وناداها الكندره وسألها عن إسمها ...
قالت المضيفه : إسمي نادين ..
وقال لها الكندره : طيب صح انتي تحبيني ..؟؟؟؟
قالت المضيفه : لا تكلم هيك لأن أنا آسيا مع المسافرين .......
رد عليها الكندره : إنتي آسيا مع المسافرين وأنا افريقيا مع المضيفات ...!!!!!!
ضحكت المضيفه وراحت تكمل جولتها .... والتفت فليسكو على الكندره وقال له : الله يلعن هالوجه يالفضيحه .. هي تقول آسيا تقصد قاسيه بس لأنها لبنانيه .. وانت مسوي نفسك فاهم ....!!!!
قال الكندره : يافليسكو لا تدقٌق .. أهم شي اننا نحب بعض ...!! وقام فليسكو وخنق الكندرة وهو يصيح باعلى صوته ... انت بتجنني .... وفي هالاثناء دخل مضيف ومضيفه وتوجهوا لفليسكو والكندره ...... قال الكندره لفليسكو : اسكت اسكت المضيفه جابت أخوها ....!!!
قال فليسكو وهو مستغرب : وش دراك انه اخوها طيب ...؟؟؟
رد الكندره : واااضح ماتشوف لبسهم مثل بعض ....!!!!!
ورجع فليسكو يكمل خنق الكندرة من العصبيه اللي سببها له ...............
وجاهم المضيف وقال لهم : ياشباب أنتم مسوين ازعاج في الطياره ولازم نفرقكم عن بعض .....
قال فليسكو : واللي يرحم والديك فرقنا قبل ما انهبل .........
ونقل المضيف فليسكو لمقعد قدام وجلّس واحد ثاني جنب الكندرة ... وكان الكندرة طول الوقت يدق اللي جنبه ويقول له خلك وراهم ولا تضيعهم ... (( يحسب نفسه في تكسي الأخ ..!! )) ...



وفجأه قامت الطيارة تهتز وتتمايل .. وأعلن كابتن الطيارة أن الطيارة تمر بمطبات هوائية .. وأن على الركاب إلتزام أماكنهم حتى تتخطى الطيارة المطبات ... ونط الكندره وجلس جنب فليسكو وقال له : تصدق يافليسكو إننا جنب هالحين جنب مدرسة ..!!!!
رد فليسكو باستغراب : محشش أنت .. وش اللي جاب المدرسة في الجو ...؟؟؟
قال الكندرة : ماتشوف الجرسون حق الطيارة يقول مطبات .. وبالعاده هم مايحطون مطبات إلا عند المدارس ......!!!
رد فليسكو بحقد : أول شي ياملعون الوالدين سواق الطيارة إسمه كابتن موب جرسون .. ثاني شي ياوصخ هو يقصد مطبات هوائية ميب مثل اللي في الأرض .....!!!! انحرج الكندرة من رد فليسكو وسوى نفسه نايم .........!!!



.

وفيما كانت الطياره تحاول تخطي مرحلة الخطر .. فقد كابتن الطيارة السيطرة عليها وأخذت الطيارة طريقها للسقوط ... وحدثت ضجة كبيرة بين الركاب وتعالت الأصوات والصيحات .... وفي هاللحظة التفت فليسكو على الكندرة وهو خايف ويقول : وش السالفة ياولد ..؟؟؟؟
رد الكندرة ببرود : الظاهر إننا بنشرنا ...!!!!
قال فليسكو : ياخي أنت ثور .. وش اللي بنشرنا .. والله لو اننا راكبين هايلوكس ....!!


وانقطعت الأصوات فجاة .........................!!!!





طاحت الطيارة في جزيرة مهجورة .... وقف فليسكو وسط الركام ينفض عنه الغبار ويتحسس جروحة ... وكان حوله بعض الجثث مترامية ... وبينما هو يفكر وش يسوي هاللحين في هالمصيبه .... طلع الكندرة من بين الركام وهو يسحب جثة ....... توجه فليسكو مسرع إلى الكندرة ومشاعره مختلطة بين خوف وفرح وحزن ورعب ..... حضن فليسكو الكندرة ... وتحمد الله على سلامته ... وسأل فليسكو الكندره : وش هالجثة اللي تسحبها ..؟؟؟
رد الكندرة وهو يلهث من التعب : هذي جثة المضيفه اللبنانية نادين ...!!!
ورد فليسكو باستغراب : طيب ليش تسحبها وهي ميته ..؟؟؟
قال الكندره : داري إنها ميته .. بس يمكن نستفيد منها ....!!!!
رد فليسكو وهو معصب : وش اللي نستفيد منها يالمنحرف .. والله لو إنها كشَاف .. ياخوي هذا بدال ماتتحمد الله إنك حي ..
قال الكندرة بعناد : لو سمحت يافليسكو لا تدخل .. بعدين هي تبرعت لي بأعضائها قبل ماتموت .. بعدين لاتنسى إنها عذراء قلقه تنتظر رجل جبار .....
رد فليسكو : إنت ماضيعك ولعب في مخك إلا هالقنوات اللي مثل وجهك .. المهم خلنا من هالسالفة وقول لي ماشفت أحد حي من الركاب ...؟؟؟؟
رد الكندرة : إلا كان كابتن الطيارة حي .. وحاولت أنقذه لكنه مات ......
قال فليسكو : وش لون مات طيب ....؟؟؟ قال الكندرة : بعد ماطاحت الطيارة تأكدت من نفسي أنا متت ولا لااا ... وبعد ماتأكدت إني عايش سمعت صوت الكابتن يطلب المساعدة .. ويوم قربت منه لقيت راسة محشور بين ركام الطيارة .. وحاولت إني أطلع راسة لكن ماقدرت ... ولقيت جنبي منشار وقطعت راسه وسحبت جسمه برا ... والحمد لله كان جسمه سليم ومافيه شي بس إنه بدون راس .. أنا توقعت إنه فاقد الوعي يوم شفته مايتحرك .. وانت عارف يافليسكو إن فاقد الوعي لا يعطيه ..... لكني إكتشفت بعد هالتعب كله إنه مات ..... والله إنه قهرني من جد .. مادامه بيموت إبن الكلب ليش يطلب المساعدة ويتعبني وانا أقطع راسه واسحبه ... بس ماعليه هذا قدره .....................
مارد فليسكو على الكندره وجلس يبكي على قدره اللي جمعه مع الغبي الكندرة ............ أما الكندرة فكان منشغل مع جثة نادين وجالس يسوي لها تنفس صناعي .....



ومرت ساعات وهم على هذي الحال .. فليسكو يفكر في مصيبتهم والكندرة مشغول بالتنفس الصناعي ... والتفت الكندرة على فليسكو وقال له .. يافليسكو ليش ماتسولف معاي ...؟؟؟
قال فليسكو : ياخوي مابي أسولف بالغصب الدعوه ........
قال الكندرة : أنا عارف إن فيك مرض الحاله النفسيه لكن إنت لازم توقف في وجه المرض .... تصدق يافليسكو إني أنا واخواني كنا عايشين في عذاب وكان ابو وامي دايم يضربوننا ... لكننا صمدنا في وجه الحياة .. وحتى بعد ماطلق ابوي أمي ما تأثرنا أنا واخواني ......
قال فليسكو : والله بعذره أبوك يطقك انت واخوانك .. نعن ابوك انت واخوانك كلكم تتشابهون كنكم ذباب ... بس ماقلت لي ليش ابوك طلق أمك ...؟؟؟؟
رد عليه الكندرة : طلقها لأنها ماتجيب عيال .....!!!!!!
وقام فليسكو يبقس لكندرة ويقول له : الله يلعن هالوجه بتجنني أنت .. من وين جيت أنت واخوانك إذا أمك ماتجيب عيال ... سكراااان أنت ....!!!!!!
رد الكندرة وهو يمسح الدم من خشمه : هههه ههههه الله ياخذك صدتني مره ثانيه ... ياحبك للتدقيق .. أقول لك تعال خذ لك حبتين تنفس صناعي مع الجثة ووسع صدرك .............
رد فليسكو وهو يقوم من مكانه : إنت خلك مع الجثة يالمريض وانا باخذ لي لفه على الجزيره يمكن ألقى شي يساعدنا ...
قال الكندره : خلاص انت خذ لك لفه .. واذا مالقيت شي يساعدنا في الجزيره خذ لك لفه على العربيه يمكن تلقى عندهم ..!!!!!
قال فليسكو : تستخف دمك أنت و***وكتك اللي ماصلحتها إلا بترخيص من البلديه ..................................... وترك فليسكو الكندره مع جثة نادين وراح ...



ومرت فترة من الزمن كان فليسكو يستكشف الجزيرة .. وعرف أنهم في موقف محرج لأن الجزيرة فاضية ومافيها شي يمكن يساعدهم .. ورجع فليسكو لمكان حطام الطيارة .. ولقى الكندرة يدور بين حطام الطيارة وفيه صوت صياح جنبه ... اقترب فليسكو من الكندرة وسأله : وش السالفة .. وصوت مين هذا ...؟؟؟؟
رد الكندرة : بعد مارحت أنت سمعت صوت صياح .. ويوم قربت لقيت واحد من الركاب محشور ويبيني أساعده .....
قال فليسكو : طيب انت وش سويت ..؟؟؟
قال الكندرة : ولاشي .. حاولت أساعده وماقدرت لأنه محشور بين كومة حديد وكل ماحاولت أسحبه يتألم ويصيح ... وبغيت أقطع راسه واسحبه لكني خفت إنه يموت مثل الكابتن الوصخ .. عشان كذا قررت إني أدور المنشار أو أي شي حاد واطعنه عشان يموت وما يتألم إذا سحبته ............................................. وقام فليسكو وبطح الكندرة وصفقه اللين عض الأرض ....


وبعد ماخلص فليسكو من طق الكندرة توجه للمصاب وأنقذه وسحبه بعيد عن الطياره بمساعدة الكندره .. وطلع المصاب شاب مصري قصير ودب إسمه مصطفى .. وأول ماطلع قال .. بتصدئوا يارجاله .. أنا كنت أئدر أطلع بدون مساعده .. لكن أنا حبيت ينولكوا ثواب لأنكم ساعدتوني ............ وقام فليسكو يضرب كف بكف ويقول : لاحول ولاقوة إلا بالله .. كنا في غبي وصرنا في غبي ونصاب ....!!!
أما الكندره فكانت دموعه على خده إعجاباً وتقديراً لموقف الشاب المصري اللي عرض حياته للخطر في سبيل إنه يخلي غيره يآخذ ثواب إنقاذه ....... وكان واضح إن الكندره معجب بمصطفى ..




ومر وقت على وجود الشباب الثلاثه في الجزيره .. وخيم عليهم الليل وأصابهم الجوع .... وقال الكندره لفليسكو : ياخوي شف لنا شي نآكله ترى ذبحنا الجوع ........
رد عليه فليسكو : والله لو إني أمكم .. بعدين هالجزيره مافيها شي ينوكل إلا سمك أو جوز هند .. وطبعاً مانقدر نصيد سمك لأن مامعانا أدوات صيد .. عشان كذا مالنا إلا نآكل جوز هند ............
قال الكندره باستغراب : يافليسكو استح على وجهك .. صحيح إننا ميتين من الجوع .. بس ماتوصل إن نآكل جوز هند المسكين .. طيب إفترض إننا متوحشين وعيال كلب وأكلنا جوز هند .. وش ذنب هند المسكينه تعيش بدون جوز ..... بعدين جوز هند هذا وش إسمه ....!!!!!!!
سكت فليسكو شوي في محاوله لتمالك أعصابه .... وقال بعد فتره من الصمت : ياخي انت حمار .. وش اللي متوحشين وهند مسكينه ووش إسم جوز هند .... يآخي أنت متى بتصير رجال ....
وهنا تدخل مصطفى في محاوله لإحتواء الموقف بين فليسكو والكندره وقال : خليه يافلكسو أنا حافهمه الموضوع ...!!
رد عليه فليسكو : يالله فهمه يانيوتن .. مع إني من شفتك تقول فلكسو وانا غاسل يدي منك ...
اقترب مصطفى من الكندره وقال له : بص يابني .. إنتا حاول تشوف الموقف من زاويه إيجابيه .. دا الموضوع فيه حاقه حلوه أووووي .. وهي إننا حانآكل جوز هند وبعدها ننام مع هند ..............
واقتنع الكندره بكلام مصطفى بينما فليسكو كان منهمك في البحث عن لوح عشان يلعن والدين هالحمير إللي تورط معاهم ..... أما الكندره ومصطفى فكملوا سوالفهم .... وقال الكندره لمصطفى : إلا على فكره يامصطفى .. وجهك في أي شهر ..؟؟؟؟
قال مصطفى : إزاي يعني .. مافهمتش سؤالك ..؟؟
قال الكندره : أقصد يعني متى بيولد وجهك .. لأني ما أعتقد إن فيه وجه منتفخ زي كذا إلا إذا كان حامل ..!!
قال مصطفى : لا والله دا وجهي طبيعي كدا .. بس تصدق ياكندوره إن دمك شربات .. عشان كدا أنا باحب السعوديين وباحب السعوديه أوي أوي ودايماً بازورها .......
قال الكندره : حتى انا أحبها ودايم أزورها ...!!!
سأله مصطفى : إزاي تزورها وانتا ساكن فيها ...؟؟
قال الكندره : لا أنا ساكن في الرياض بس إني زرت السعوديه مرتين ........
رد مصطفى : آآآآه فهمت دلوئتي .. تصدق ياكندوره إن اللي خلاني أحب السعوديه زياده إن خالي من السعوديه ........
جاوبه الكندره : ماشاالله وانت بعد تصدق إن اللي حببني في مصر إن خالي من الكوليسترول ...........
رد مصطفى باستغراب : وهو فيه مكان إسمه كدا ..؟؟؟
جاوبه الكندره : إيييه هو مكان عند جمهورية الولايات المتحده الفرنسيه .....!!
قال مصطفى : آآآآآه يعني خالك يبقى استرالي ...!!
وفي هذي اللحظه كان فليسكو جايهم يركض ومعاه جذع شجره فقَع وجيههم فيه إللين ناموا ....!!!!




جلس فليسكو لحاله يطالع القمر ويفكر في مصيرهم الأسود .. منقطعين في جزيره فاضيه مايعرفون حتى وين موقعها .... وبينما فليسكو جالس قام الكندره من نومه وجلس جنب فليسكو يطالع القمر .... قال الكندره : تصدق يافليسكو إننا قريبين من بيتنا .............!!
رد عليه فليسكو : وش دراك طيب ..؟؟
قال الكندره : لأن نفس هالقمر أشوفه وانا في بيتنا .. وهذا يدل إن بيتنا قريب ..............!!!
التفت فليسكو على الكندره وقال : واللي يرحم والديك يالكندره لا تجنني .. ياخوي في أي مكان في الدنيا تشوف نفس القمر .. كل العالم يشوفون نفس القمر ..
قال الكندره : غريبه .. يعني كل العالم قريبين من بيتنا ...!!!!!!!!!!!!
رد فليسكو والدموع في عيونه : تكفى تكفى اسكت .. أنا ألاقيها من دلاختك ولا من الوضع اللي احنا فيه ........





.

وسادت لحظات من الصمت .... وبعدها قال الكندره : فليسكو .. انت جربت الحب ..؟؟؟
قال فليسكو : للأسف ماجربته ...........
قال الكندره : آآآآآآه يافليسكو .. يازين الحب .............
قال فليسكو : اخسسسسس يالكندره والله إني أحسبك ثور وماعندك إحساس .. أثاريك رومانسي .. يالله علميني من حبيت وكيف ..؟؟؟؟
قال الكندره : أنا حبيت بنت جيراننا ... المسكينه مريضه وكل يوم تروح للمستشفى ... أنا في البدايه كنت أحبها من باب التعاطف مع حالتها .. وبعدين تطور الموضوع وصرت أحبها من جد ... تصدق يافليسكو إنها المسكينه تروح المستشفى كل يوم من الساعه سبعه الصبح ولا ترجع إلا الساعه ثنتين الظهر .. ومره من المرات ضبطت نفسي وكشخت ومشطت شعري على جنب و دخلت وراها المستشفى ...
قال فليسكو : ياخوي وش اللي مشطت شعرك على جنب .. والله لو انه قاطع إشاره شعرك ... بعدين من زين شعرك .. ترى كلها شعرتين اللي في راسك .. قسم بالله طالع شعرك في راسك كنه مكرنة فلسطينيين .. يحطون شوية مكرونه في صحن كبير يعني ثلاثة أرباع الصحن فاضي .. مثل راسك بالضبط ..!!
قال الكندره : يافليسكو خل عنك الحقد ترى الجمال من الله ..!!
قال فليسكو : طيب طيب كمل سالفتك خلنا نشوف آخرتها ..
قال الكندره : المهم إني دخلت وراها المستشفى ولقيتها لابسه لبس أبيض وجالسه في غرفه والناس مجتمعين برا الغرفه وكل شوي الممرضه تنادي واحد منهم ويدخل عندها .. الظاهر انهم جايين يزورونها ويسلمون عليها .. والله مسكينه الله يشفيها ...!!
وانفجر فليسكو في وجه الكندره وقال : الله يلعن مخك ياشيخ .. ياخي أنت ناوي تذبحني يابن الكلب ....!!
رد الكندره باستغراب : وش فيك عصبت طيب ...؟؟؟
قال فليسكو : ياخوي وحده تروح كل يوم للمستشفى من سبع الصبح اللين ثنتين الظهر ولابسه أبيض وعندها غرفه وممرضه وناس يراجعونها ... يعني حتى الحمار لو سألته بيعرف إنها تشتغل في المستشفى ...........
رد الكندره بلهجة حاده : لو سمحت يافليسكو لا تستهزيء همن يبلاك الله ... يعني بالله وش تشتغل في المستشفى .. تشتغل مريضه يعني .. يعني بيوضفونها مريضه بالزكام كبدايه وبعدين يرقونها ويخلونها مريضه بسرطان الثدي .. عاد إذا أثبتت نفسها مع الوقت وثابرت وتعبت يحطونها مريضه بالإيدز .. استغفر ربك يافليسكو بس ... ولو افترضنا إني سايرتك في تفكيرك الغبي وافترضت انها تشتغل في المستشفى .. وش اللي يوديها كل يوم طيب .....!!
قال فليسكو : تدري يالكندره إن المشكله ميب فيك .. المشكله فيني أنا الملعون اللي معطيك وجه وجالس أسولف معاك ........................ وقام فليسكو ينام .. أما الكندره فكان مستغرب من كلام فليسكو وموب مستوعب السالفه ............

.
.




وفي صباح اليوم التالي .. قام فليسكو والكندره من النوم وكان مصطفى سبقهم في ذلك وجالس يتمرن تمارين سويديه ..... قال الكندره موجه كلامه لمصطفى : ماشاالله عليك صاحي بدري .......
رد عليه مصطفى وهو منهمك في التمرين : أصلي مانمتش طول الليل .........!!!
وتدخل فليسكو وسأله : ياخوي مسوي نفسك رشيق أنت وخشتك .. قسم بالله لو تآكل مدرب لياقه إنك ماتنحف أبد انت وجسمك هاللي كنه ثلاجة عزوبيه .. تعال إجلس وعلمنا ليش مانمت ...؟؟؟
قال مصطفى وهو رافع يدينه فوق ويثني جسمه يمين ويسار : أصل إمبارح حصل موقف مخيف وانتو نايمين بس أنا تصرفت لوحدي وماحبيتش ازعجكوا .............!!
رد الكندره وفليسكو بصوت واحد : وش صار ............؟؟
رد عليهم مصططفى : أصل السالفه ياللي أعماركو طويله .. إنه بعد مانمتوا سمعت صوت غريب .. فحاولت أطنش الصوت وأنام .. لكن الصوت كل شويه يقرب ... وفجأه سمعت صوت عيون تلمع في الظلام ..........
وتدخل فليسكو وقال : ياخوي تسولف على بزران أنت .. وش اللي أعماركو طويله وسمعت صوت عيون تلمع تلعب علينا أنت وجهك اللي كنه مفتاح كامري ..........................
ورد الكندره بعصبيه : يااااااااااااااااااااافليسكو خله يكمل .... ياخي عندي إحساس إنه صادق .. بس خله يكمل ولا تقاطعه .......
رد فليسكو بقهر : ماودك تآكلك تبن .. والله لو انه جبنة بوك عشان أقاطعه .. يالله كمل كمل خلنا نشوف آخرة هالنصبه اللي على الصبح ...!!
ورجع مصطفى يكمل سالفته وهو منبطح على بطنه على الأرض ويحاول إنه يسوي تمرين الضغط لكنه ماقدر لأن ايدينه ماتوصل للأرض عشان بطنه أطول من يدينه .... وحاول إنه يصرف موضوع التمرين ورجع وقف على رجلينه وعاد نفس التمرين الأول : المهم يالمربعين إن صوت العيون اللي تلمع كل شوي يقرب مني .. وفجأه طلع لي من الظلام أسد على هيئة حيوان ........
وتدخل فليسكو وقال : والله بديت أشك إنك تتعاطى .. أكيد الأسد بيكون على هيئة حيوان .. يعني بالله عمرك شفت أسد على هيئة سيكل .. بعدين وش هالأسد المضيع ووش جابه للجزيره .......
وتكلم الكندره بعصبيه واضحه : يافليسكو يافليسكو يافليسكو خله يكمل ياااااااااااخي .....................
ومصطفى كان منبطح على ظهره ويحاول إنه يسوي تمارين البطن لكنه ماقدر يرفع راسه .. وحاول إنه يقوم ويكمل تمرينه الأول لكنه ماقدر برضه وكمل سالفته وهو منبطح وقال : ويوم قرب مني الأسد وشافني وقف مكانه ساعه يبص في عينيّه وانا ابص في عينيه .. وبعدها خاف الأسد وجري من قدامي وتوته توته خلصت الحتوته ...!!!
وقام فليسكو معصب وقال : وش اللي توته توته .. بتنومنا أنت .. بعدين والله بعذره الأسد يوم شاف وجهك وقف مكانه .. نعن ابوك أنت من شين وجهك حتى أمك تتغطى عنك .. أقول يامصطفى أقسم بالله لو ماتترك عنك النصب إني لأدفنك في هالجزيره فاهم ولا لاااا ..........
وتدخل الكندره وقال : والله انك صادق يافليسكو .. أنا بديت أشك إن مصطفى نصاب .. ولا بالله وش هالأسد اللي طالع في الليل .. واضح انها نصبه ......!!!
ورد عليه فليسكو بعصبيه : ماودك تآكل تبن أنت الثاني .. يعني تركت النصب اللي في السالفه كله ومادققت إلا في هالكلمه .. لكن الشرهه ميب عليكم .. الشرهه علي أنا اللي ما متت مع الناس وافتكيت من غثاثتكم ..........!!!
وقام فليسكو وجلس بعيد وتركهم .. بينما الكندره رجع لجثة نادين وانبطح فوقها يسوي لها تنفس صناعي .. أما مصطفى فتوهق ماقدر يقوم عشان كذا صرفها ونام مكانه ...






آآآآآآآه هيلب مي ........ صوت أتى من تحت ركام الطائره .. انتبه الكندره للصوت وقام يبحث عن مصدر الصوت ... ووسط الركام شاف الكندره شايب أمريكي يصيح ويقول : داااااااادي دااااااادي .... اقترب منه الكندره وشاف يده عالقه تحت الركام .. رفع الكندره الركام من فوق يد الشايب في أول تصرف صحيح للكندره من يوم طاحت الطياره ... وسحب الكندره الشايب بعيد عن الركام ..... وكان الشايب يصيح من قوة الألم في يده ويقول : داااااااادي دااااااادي ............. قال له الكندره في محاوله للتخفيف عنه بعد مامسك رجل الشايب وجلس يقلبها : يارجال داااااادك مافيها إلا العافيه .. بس كدمه بسيطه بتروح مع الوقت وترجع دادك مثل أول واحسن ..........
طالع الشايب في الكندره باستغراب وهو مايفهم وش يقول أصلاً لكن شدة الألم افقدته التركيز وواصل الصراخ : داااااااادي دااااااااادي .....
وقال له الكندره : يارجال تراك أزعجتنا بدادك .. ترى كلنا داداتنا تعورنا .. تصدق إن حتى أنا دادي تعورت بس إني ماسك نفسي ....
وفي هالحظه جاهم فليسكو بعد ماسمع صوتهم .. وقرب فليسكو من الكندره وسأله وش السالفه ...
قال الكندره : أبد يافليسكو هذا واحد جديد أنقذته والظاهر إنه أمريكي .. بس أزعجنا لأن يصايح دادي دادي .. الظاهر إن رجله تعوره .......
قال فليسكو : وش دراك انت إن رجله تعوره ..؟؟
قال الكندره : مايبيلها تفكير يافليسكو لأنه معروف إن داد بالانجليزي يعني رجل بالسعودي ..........
رد فليسكو بنرفزه : ياخوي انت مسوي فيها مترجم انت وخشتك .. هاللحين الرجال قدامك يده تنزف ومجروحه جرح كبير وتشوفه يصايح وانت يالثور تقول داد يعني رجل ...!!
قال الكندره : هذا اللي أنا مستغرب منه .. هاللحين يده مجروحه وهالحمار يصيح ويقول رجلي .. شكله غبي ...!!!
قال فليسكو : والله مالحمار غيرك يالملعون .. الرجال يقول من الألم دادي يعني يابوي .. مثل أنت إذا خفت أو تعورت وقلت يماااااااااااه ولا يباااااااه ... وانت مسوي فيها فاهم ...!!
قال الكندره : آآآآآآهاااا تصدق إني لخبطت بين دادي اللي معناها يبه وبين دادو اللي معناها رجل ......
قال فليسكو : على بالك تصرف يابن الكلب .. قم بس شف لنا شي نطهر فيه الجرح وخل عنك النصب .........
قام الكندره وهو يكلم نفسه ويقول : صدق إن مافيه شي يجلس على حاله .. الله يالدنيا أول كان دادي معناها رجل وهاللحين صار معناها يبه .. آآآآآه يازمان العجايب بس .............!!!!



رجع الكندره بعد ماجاب شنطة إسعافات أوليه لقاها بين حطام الطياره ... وضمدوا جرح الشايب جورج اللي علمهم بإسمه .. والكندره كان ماسك الشايب ويقول له خلك زيدان لا تصير رونالدينهو ........... وفليسكو كان منشغل بالتضميد ووقف وقال للكندره : وش قاعد تقول له هاللحين ..؟؟؟
قال الكندره : أكلمه إنجليزي واقول له خلك زيدان يعني خلك هادي .. ولا تصير رونالدينهو يعني لا تتحرك واجد ...!!
قال فليسكو : ياخوي أنت من شكلك متعلم انجليزي وانت منبطح .. ماودك تآكل تبن وتمسكه وانت ساكت ....!!
سكت الكندره أما فليسكو فواصل عمل العلاجات الأوليه لجورج .. وكان فليسكو يحاول يسولف مع جورج عشان مايغمى عليه وهو يضمد جروحه ... أما جورج فكان يسولف شوي ويبكي شوي من شدة الألم ... وبينما فليسكو يسولف مع جورج كان الكندره يطالع جورج بنظرات حقد ... وانتبه فليسكو لنظرات الكندره وسأله : وش فيك تناظر كذا ..؟؟؟
جوابه الكندره : ياخوي قاهرني هالشايب إبن الكلب .. مسوي نفسه يعرف انجليزي ..!!!
قال فليسكو : ياخوي وش اللي مسوي نفسه .. هو مايعرف يتكلم عربي .. يتكلم انجليزي لأنها لغته ..
رد الكندره : يافليسكو لاتصير مخفه .. وش اللي مايعرف يتكلم عربي وهو قبل شوي يوم بكى كان يبكي بالعربي ..!!!
قال فليسكو بعصبيه : ترى بالعن أبو ابوك يالتبن لو ماتسكت .. قال ايش قال يبكي بالعربي ..!!
وكمل فليسكو العلاج لجورج وسط مراقبه من الكندره ... وفجأه قال الكندره لفليسكو : ماعندك ثلج يافليسكو ...؟؟؟
قال فليسكو : لاااا .. بس ليش ..؟؟؟
قال الكندره : ماتشوف وجه الشايب ذايب .. الظاهر إن وجه ذاب من الحر ...!!
قال فليسكو : ياحمار هذي تجاعيد لأنه كبير في السن ....
قال الكندره : وش هالتجاعيد يافليسكو .. ماتشوف جبهته سايحه على عيونه وخدوده واصله كتوفه .. شوف يافليسكو هي وحده من الثنتين إما إن وجهه ذايب من الحر أو إن وجهه كبير عليه ويبي له تضييق ...........
قال فليسكو : ياخوي إنت ماتعرف تسكت .. مآكل حبوب أنت .. ولا شكلك مآكل بيّاع بكبره .. اسكت ياخوي تكفى اسكت الله يلعن أمك ....!!


بعد ماخلص فليسكو والكندره من علاج جورج الشايب سدحوه في الظل جنب جثة نادين .. وراحوا يشوفون يشوفون مصطفى وش سالفته لأن له فتره منبطح ولا قام .... وسأله فليسكو : وش فيك يامصطفى لك فتره ماقمت ولا تحركت من مكانك ..؟؟
قال مصطفى : ولا حاجه بس أنا متعود على التمرين ده ..
قال الكندره : وش هالتمرين ياخوي .. والله لو انك مصدوم في الشارع ما انبطحت كل هالوقت ....
قال مصطفى في محاوله لتصريف الموضوع : انتوا مادريتوش إيه حصل إمبارح ..؟؟؟
رد فليسكو والكندره : وش حصل ..؟؟؟
قال مصطفى : إمبارح لما كنتوا نايمين سمعت صوت في الظلام .. وفجأه طلع لي كلب على هيئة حرامي ............
وقبل مايكمل مصطفى سالفته رفسه فليسكو برجله على بطنه وقال له : ياااااااااااخوي تستعمل مخدرات أنت ... اترك النصب عنك انت وخشمك الأحمر اللي كنه طفاية حريق معلقه في وجهك وعلمنا ليش لك كم يوم منبطح مكانك ..؟؟؟؟
قال مصطفى : بصوا ياشباب .. أنا وزني كبير .. وحاولت أنزله لكن ما قدرتش .. وجربت كل الطرف ومانفعتش .. تصدقوا إني مره شريت كتاب تمارين إسمه تمارين تخفض وزنك في اسبوع .. وجلست كل يوم أقراه أكثر من مره في اليوم .. أقراه أول ما أصحى من النوم وبعد الفطور وبعد الغدا وبعد العشا وقبل ما انام .. وجلست على الحله دي شهر ومانزلش وزني ولا كيلو .. بالعكس زاد .. عشان كذا تأكدت إن كتب الريجيم والتمارين كذب واهدافها تجاريه عشان كذا قررت أتمرن بنفسي .. وانا منبطح لأن دا واحد من التمارين اللي اخترعتها ........
قام فليسكو من مكانه وقرب من مصطفى وقال له : أجل جلست تقرى الكتاب شهر ومانزل وزنك هااااااااه ..؟؟
قال مصطفى : اااااااااوالله زي مابؤلك كدا ............
ودعس فليسكو على بطن مصطفى وقال : الله يلعن والديكم ياعيال الكلب .. جننتووووني ..!!
وراح فليسكو عند الطياره يدور أي شي يساعدهم على الاتصال وطلب النجده ...... بينما مصطفى والكندره استغربوا من تصرف فليسكو مع مصطفى .. وقال مصطفى : ماله صاحبك زعلان ..؟؟؟
قال الكندره : يمكن إن زعل على حالك يوم انت تقرا كتاب التمارين شهر ولا نقص وزنك .. قسم بالله لو اني مكانك كان انتحرت من القهر .....!!!!!!!!!!!!!!!!!!!!!!!!!!!




وبعد مرور وقت قصير سمع الكندره صوت فليسكو يصيح .. انطلق الكندره ناحية الصوت ولقى فليسكو ممدد على الأرض وطايح فوق يده كومه من الحديد .. وفليسكو كان يصيح من شدة الألم .. سأل الكندره فليسكو : وش السالفه ..؟؟
قال فليسكو وهو يأن تحت وطأة الألم .. (( مايمديكم على هالكلمه .. أصلاً القصه كلها ماكتبتها إلا عشان هالكلمه ..!! )) : كنت أدور على جهاز إتصال .. وحاولت أبعد كومة الحديد عن طريق .. لكنها طاحت فوق يديني ..............................
وبعد ماخلص فليسكو كلامه أغمي عليه من شدة اللألم ..... وفي هالحظه انطلق الكندره نحو فليسكو لينقذه ...



بعد فتره كان فليسكو ممد على الأرض بعيد عن حطام الطايره ... وجنبه صديقه الصدوق الكندره اللي أنقذه من الموت ...... وماهي إلا لحظات حتى إسترد فليسكو وعيه .. وفتح فليسكو عيونه وشاف الكندره جالس عند راسه ... ابتسم فليسكو ابتسامة رضا للكندره اللي أنقذه .... قال الكندره : هااااه يافليسكو انشاالله إنك أحسن هالحين ..؟؟؟؟
قال فليسكو : الحمد لله أنا أحسن والفضل لك بعد الله .. بصراحه يالكندره أنا كنت قاسي معاك .. وأدري إني غلطت عليك كثير لأني كنت أحسبك غبي .. لكن بعد ما أنقذتني عرفت إن الرجال مواقف .. وانك رجال عن ألف رجال ................ وسكت فليسكو ودموعه تنزل من عينه ......!!
قال الكندره : لا تبكي يافليسكو .. انت أحسن صديق عندي مهما صار .. وانا ماقدرت أشوفك تعاني وانا أتفرج ...!!
ابتسم فليسكو وحاول إنه يحرك يدينه عشان يحضن الكندره .. لكنه اكتشف إن يدينه ماتحركت .... نزل فليسكو عيونه باتجاه يدينه عشان يشوف ليش ماتحركت .. لكنه مالقى يدينه مكانها ... التفت فليسكو بسرعه ناحية الكندره وقال له باستغراب وذهول : كندره وين يديني ..؟؟؟؟؟؟؟؟؟؟
نزل الكندره راسه وقال : بصراحه يافليسكو كومة الحديد كانت ثقيله وماقدرت أشيلها عشان كذا اضطريت أقطع يدينك ....!!
قال فليسكو : آآآآآه يالكندره طيب ليش استعجلت .. كان طلبت من مصطفى والامريكي يساعدونك ....
قال الكندره : يافليسكو انت صديقي .. عشان كذا ماحبيت أحد ينقذك غيري .. بعدين يافليسكو ترى اليدين ميب ضروريه .. واذا كان على الأكل فتقدر تآكل بملعقه .....!!!!
قال فليسكو : يعني هذي فايدة اليدين الوحيده اللي انت تعرفها .. وبعدين حتى لو بآكل بملعقه وش أمسكها به يالذكي .. أمسكها بسرّي ... وعلى العموم يكفى انك انقذت حياتي والحمد لله انها جات على اليدين بس وهاللحين خلنا نقوم نجلس عند الشباب .............................. وحاول فليسكو يقوم لكنه ماقدر ... ونزل نظراته ناحية أرجوله واكتشف إن رجلينه مقطوعه بعد .....!!!
رجع فليسكو نظراته ناحية الكندره وقال له : وييييييييييييين رجليني ..؟؟؟؟؟؟؟؟؟
قال الكندره بحياء : تبي الصدق يافليسكو .. أنا لما قطعت يدينك فكرت إنك بعدين لما تمشي وفجاه تطيح على الأرض فأكيد انك بتطيح على وجهك لأن ماعندك يدين تساعدك إنك تحمي نفسك .. عشان كذا قطعت رجلينك عشان ماتمر في مثل هالموقف البايخ ....!!
قال فليسكو بعصبيه : الله يلعن ابوك يالجرار .. هاللحين قطعت يديني ومشيتها لك .. لكن تقطع رجلي عشان ما أطيح على وجهي يابن الكلب هذي اللي والله ما تخش المخ .. هذا وانا أغمي علي نص ساعه قطعت يديني ورجليني .. أجل لو أغمي علي ساعه وش بتسوي يالكلب .. الظاهر ما بيبقى فيني إلا حواجبي بس ..................
قال الكندره : يافليسكو لا تتضايق وتراك بتنسى مع الوقت لما تتوظف وتتزوج ............
رد فليسكو بقهر : ياخوي أنت حمار .. وش اللي تنسى مع الوقت .. والله لو إني مضيّع خمسين ريال .. بعدين وش لون أتوظف وأنا بدون رجلين ويدين .. إلا إذا كان باتوظف شنطه ..!!
وبينما فليسكو وكندره يتكلمون سمعوا صوت طياره ... ورفعوا روسهم وشافوا طيارة إنقاذ ... ونط الكندره وفصخ فنيلته وقام يلوح ويأشر للطياره اللي انتبه ركابها للكندره ونزلوا في الجزيره لإنقاذ الكندره واخوياه ......





وتم إنقاذ الشباب .. وبعد إجراء الإسعافات الأوليه تم إرجاع مصطفى المصري وجورج الإمريكي لبلدانهم ..... أما فليسكو ونادين فدخلوهم غرفة العنايه المركزه .. وطبيش كان معاهم كمرافق .......... واكتشف الأطباء إن المضيفه اللبنانيه نادين حيّه وانها تنبض نبضات خفيفه وانها كانت في غيبوبه .. وإن الكندره لما كان يسوي لها تنفس صناعي كل فتره ساهم في إبقاؤها على قيد الحياة ............. وأيضاً إكتشف الأطباء إن نادين حامل في أيامها الأولى ..!!!!!!!!!


دخل الكندره على فليسكو اللي كان على السرير بعد إن تم إيقاف النزيف اللي كان يعاني منه .. وعلم الكندره فليسكو بسالفة نادين ..... واستغرب فليسكو والكندره من حمل نادين ... وحلف الكندره بأغلظ الأيمان إنه ماسوى أي شي لنادين .......!!!




رجع فليسكو والكندره ومعاهم نادين اللي قرر الكندره إنه يتزوجها .......... ورجع فليسكو مع أهله .. أما الكندره فأخذ نادين معاه لبيت أهله في انتظار أن تضع حملها ويتزوجها ................ وبعد مرور التسع شهور أخذ الكندره نادين وتوجه فيها للمستشفى بعد ماحست بأعراض ولاده ...... دخلت نادين لغرفة الولاده .. بينما الكندره كان واقف عند الباب في انتظار خروجها ...... وبعد لحظات سمع الكندره صوت طفل يبكي ويقول : دااااااااااااادي ...!!!!!!!
دارت الدنيا بالكندره وجلس على أقرب كرسي وتذكر إنه هو فليسكو لما عالجوا الشايب جورج سدحوه جنب نادين وراحوا يسولفون مع مصطفى وكيف بعدها صار الحادث لفليسكو وساعده الكندره وبعدها جات طيارة الإنقاذ .... وان هالمده كلها كان جورج جنب نادين لحالهم ........ !!


حط الكندره راسه بين يدينه وقال بقهر : والله لألعن والديك يافليسكووووووووووووووووووووووووووووووو ..!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!